وجه أيمن يونس نجم الزمالك السابق رسالة قوية لناصر ماهر، لاعب الفريق الحالي بعد اعتراض الأخير على الجلوس على دكة المباراة وخروجه من معسكر الفريق قبل مواجهة حرس الحدود.
وكان قد قرر عبدالواحد السيد مدير الكرة بنادي الزمالك تحويل ناصر ماهر للتحقيق، وإيقافه عن اللعب، مع توصية المجلس بخصم 25 % من مستحقات اللاعب.
وفي هذا الصدد، وجه أيمن يونس للاعب رسالة في تصريحات تليفزيونية قائلًا: «لازم تتقبل أي كان المكان اللي هتقعد فيه، عيب اللي أنت بتعمله دا ومش تصرفات لاعيبة محترفين».
وتابع: «على سبيل المثال ناصر منسي بينزل كل ماتش احتياطي وبيسجل عادي وبنشوفه مبسوط، دا مثال مثال للاعب محترف».
وأضاف: «بعض الجماهير قالت ممكن تكون أنت بديل زيزو بعد رحيله وتحل لينا المشاكل في الناحية دي، لكن اللي بيحصل دا عكس المتوقع».
واختتم: «دا مش كلام كبار ولا محترفين، أنت بتلعب في منتخب مصر ولاعب مهم، أعتقد لازم تراجع نفسك».
