تحدث وائل جمعة، نجم الأهلي السابق عن أزمة مارسيل كولر، المدير الفني للفريق الأول، الأخيرة، داخل النادي.
وقال وائل جمعة خلال الحديث عن استبعاد مارسيل كولر لـ على معلول: «من ضمن النقاط اللي فيها جدل عند كولر وفيها جانب من العند تسجيل على معلول».
وأضاف: «هو كان رافض تسجيله، والنادي عنده تقدير للناس اللي خدمته كتير ودي نقطة لا تعيب الأهلي، هييجي وقت يساعدك النادي زي ما أنت ساعدته، وعلي معلول له تقدير لما قدمه».
وأكمل: «أنا مقدرش أقول على معلول عامل إيه لإني مشوفتش التمرين، إنما الراجل واخد قرار ومقتنع بيه ومن العند إن الأهلي سجله ومقتنع بكدة (الإدارة)».
وزاد: «في جانب كبير من (عند) كولر التدخلات اللي حصلت بداية من سيد عبدالحفيظ كمدير كورة، ودي كانت البداية».
وتابع: «أنا عندي إحساس أن الراجل معندوش الحرية الكاملة في الإدارة، كابتن محمود الخطيب ابتعد بعد شوية وجاب محمد رمضان ثم محمد شوقي. التغييرات الكتير دي مش في صالح المدير الفني».
وأتم: «أنا مدير فني للفريق يعني رئيس جمهورية الكورة في الأهلي وصاحب كل القرارات، لو هو مش عاجبه القرار يمشي، لكن في نقطة على معلول هو مش جاهز مش هينفع ياخده، ودي مباراة لازم كل اللي يلعبوا يكونوا في أتم الجاهزية».
هذا ويلعب الأهلي ضد صن داونز اليوم السبت لحساب ذهاب نصف نهائي بطولة دوري أبطال أفريقيا، على «لوفتوس فيرسفيلد».
