وجه عدلي القيعي رئيس شركة الكرة السابق بالنادي الأهلي، رسالة قوية إلى كل من يشكك في البطولات التي حصل عليها المارد الأحمر، واتهامه بتفريغ الزمالك من نجومه.
وقال عدلي القيعي في تصريحات عبر قناة «الأهلي»: «بعد الأهلي ما قدم موسم قوي واكتسح ألعاب الصالات، نسبنا بقى من الكرة ونقعد نقول هو مفيش غير نادي واحد اللي بيكسب وتبقي نغمة من مسؤولين في مجلس إدارة بتتقال في الإعلام مع زملكاويين من العيار الثقيل، نغمة جديدة بعد ما قالوا كل النغمات التحكيم ونادي الدولة والحلال والحرام وغيره».
وتابع: «لما هو يكسب بطولة يقعد يقول بقى أنا الأكثر شعبية، وأنا اللي بكسب البطولات، تبقى ليه تعتبر ما يحدث حاليًا شذوذ يعني».
وأتم: «لو كنا هنقعد نشكك في البطولات بتاعت بعض حلو أوي نمسك الورقة والقلم موسم موسم ماتش ماتش ونشوف مين كان يبقي فين لو مشيت باصولها».
