رد الإعلامي أحمد شوبير على الإعلامي عمرو أديب، حول حديث الأخير عن أحمد مصطفى زيزو لاعب الزمالك، الذي تأكد رحيله عن الفريق بنهاية الموسم.
وتغيب زيزو عن مران الزمالك مؤخرا، بعد استبعاده من مباراة ستيلينبوش في الكونفدرالية، على خلفية أزمة التجديد، واقتراب انتقاله للأهلي.
وكان شوبير قد كتب على حسابه على «إكس»: «سألت المقربين من زيزو، عندك استعداد تدرب في الزمالك؟ قالوا من بكره، ولكن يأمنوني، هكون ضامن الناس إزاي؟، عندك نهائي الكأس ولسه 6 مباريات في الدوري، شئت أم أبيت زيزو هو 50% من الزمالك، إيه المانع من أنه يدرب ويشارك، وهو لاعب بروفيشنال يستحمل هجوم الجماهير”.
ليرد عليه عمرو أديب عبر حسابه الرسمي على «إكس»: «بص يا كابتن أحمد يا حبيبي، لو الزمالك كان بيلعب في نهائى كأس العالم للأندية المباراة اللى بعدها تبقى بطل العالم، وفى آخر ثانية في ضربة جزاء ومحتاجين زيزو ينزل يلعبها علشان نبقى أبطال العالم والتاريخ، نكمل الماتش من غير زيزو ونستمتع بالكورة وهى بتضرب في العارضة ونروح نحضن الشبل الزملكاوي اللى ضيعها ونقوله الرياضة مش أجوال وبطولات، الرياضة فروسية ومجدعة وعشق للنادى تحت أي ظرف، هنيئا لكم بزيزو لا هو اللي هيزود بطولاتكم ولا هو اللى هيقلل بطولاتنا».
ليعود شوبير بالرد على أديب، وكتب عبر «إكس»: «أنا كان قصدي المصلحة ياعمووور ياحبيبي والله. ومادام كده شد حيلك معانا في اللي جاي».
انا كان قصدي المصلحه ياعمووور ياحبيبي والله .. ومادام كده شد حيلك معانا ف اللي جاي😅 https://t.co/MdBmlzvdgg
— Ahmed Shobier (@ShobierOfficial) April 22, 2025
