وجه الإعلامي أحمد شوبير حارس مرمى الأهلي ومنتخب مصر السابق رسالة نارية إلى مسؤولي نادي الزمالك بخصوص ما يحدث في النادي حاليا وحرب التصريحات من عدد كبير من رموز الزمالك.
وقال أحمد شوبير: «إمبارح كنت بكلم قطب زملكاوي كبير من الناس اللي بحترمهم قال لي بس شوية يا كابتن برضه الأخبار عن الزمالك بيبقى فيها نوع من المبالغة».
وتابع شوبير: «انا هرد عليه هنا على الهوا هو فيه مبالغة أكثر من إنكم قلتم إحنا هنجيب راموس وقلتوا كلمنا وكيل راموس هو كلمت وكيله يعني جه، من كام سنة كده برضه قالوا إحنا بنفاوض رونالدينهو وهنجيبوا الزمالك».
وأوضح شوبير: «بلاش مبالغات عيشني في أرض الواقع السرحان المبالغ فيه ده ملوش لازمة خلي الناس على أرض الواقع».
وأضاف شوبير: «وبعدين الدنيا في النادي كلها صراعات وكله عايز ينسب لنفسه لا ميدو ناقص دعاية ولا إعلام ولا شهرة ولا حازم ولا أبوالعلا ولا أي حد منهم، الحاجات اللي بتعجبني في عمرو الجنايني إنه مبيظهرش على الساحة ولما مسك اتحاد الكرة كان محايد جدا بأمانة الله يعني».
