كشف وليد صلاح الدين، نجم النادي الأهلي السابق، عن رأيه في تغيب أحمد مصطفى زيزو لاعب الزمالك، عن تدريبات الزمالك خلال الأيام الماضية، مشيرًا إلى يؤيد موقف اللاعب.
وكان زيزو قد اشترط على ناديه الزمالك، بصدور بيان رسمي من قبل مجلس إدارة الأبيض برئاسة حسين لبيب، يتعهد فيه بحمايته، حال حضوره للنادى الأبيض للخضوع لجلسة التحقيق، والانتظام فى التدريبات الجماعية حتى نهاية عقده مع القلعة البيضاء.
وقال وليد صلاح الدين في تصريحات تليفزيونية عبر شاشة «أون سبورت»: «مكنتش أحب اللي حصل بين زيزو وإدارة الزمالك يوصل للمراحل دي، وكانت تتحل من الأول، وكان إدارة الزمالك تقول من الأول خالص إن الرقم اللي طالبه زيزو كبير جدًا عليا ومش هينفع ادفعه للعيب».
وأضاف: «وكنت أخد أحسن عرض خارجي واستفيد بالفلوس، والمرحلة بتاعت اقتراب انضمام زيزو للأهلي، كان الزمالك قعد مع اللاعب ويبلغه إنه مش هيكمل بشكل ودي».
وأكمل: «أنا مع زيزو إنه مينزلش تدريب الزمالك، لإنه مش هينفع يكمل لإننا مش زي برا، القصة عندنا مختلفة، وكمان زيزو رايح المنافس التقليدي، وكان الزمالك اتفاوض على انه يتنازل على جزء من مسحقاته».
