علق الإعلامي أحمد شوبير، نجم النادي الأهلي السابق، على ما حدث بينه وبين الإعلامي عمرو أديب، من تبادل التعليقات على مواقع التواصل الاجتماعي.
وكان شوبير قد كتب على حسابه على «إكس»: «سألت المقربين من زيزو، عندك استعداد تدرب في الزمالك؟ قالوا من بكره، ولكن يأمنوني، هكون ضامن الناس إزاي؟، عندك نهائي الكأس ولسه 6 مباريات في الدوري، شئت أم أبيت زيزو هو 50% من الزمالك، إيه المانع من أنه يدرب ويشارك، وهو لاعب بروفيشنال يستحمل هجوم الجماهير”.
ليرد عليه عمرو أديب عبر حسابه الرسمي على «إكس»: «بص يا كابتن أحمد يا حبيبي، لو الزمالك كان بيلعب في نهائى كأس العالم للأندية المباراة اللى بعدها تبقى بطل العالم، وفى آخر ثانية في ضربة جزاء ومحتاجين زيزو ينزل يلعبها علشان نبقى أبطال العالم والتاريخ، نكمل الماتش من غير زيزو ونستمتع بالكورة وهى بتضرب في العارضة ونروح نحضن الشبل الزملكاوي اللى ضيعها ونقوله الرياضة مش أجوال وبطولات، الرياضة فروسية ومجدعة وعشق للنادى تحت أي ظرف، هنيئا لكم بزيزو لا هو اللي هيزود بطولاتكم ولا هو اللى هيقلل بطولاتنا».
ليعود شوبير بالرد على أديب، وكتب عبر «إكس»: «أنا كان قصدي المصلحة ياعمووور ياحبيبي والله. ومادام كده شد حيلك معانا في اللي جاي».
وصرح شوبير اليوم الأربعاء، في برنامجه الإذاعي عبر «إذاعة أون سبورت»، قائلا: «التنافس لازم ميوصلناش لمرحلة صعبة، يعني لازم نضحك ونهزر، يعني أنا مثلا وعمرو أديب عمالين نكتب لبعض ونضحك ونهزر، وعمرو صاحبي جدا على فكرة».
وأضاف: «وعلى المستوى الأسري صديق، وتربطنا علاقة ممتازة وأعرفه من وقت ماتش سوبر الأهلي والزمالك اللي كان في جنوب إفريقيا 1994-1995، يعني أصدقاء من زمان».
