وجه الإعلامي أحمد شوبير حارس مرمى الأهلي ومنتخب مصر السابق رسالة قوية إلى المهندس ياسر إدريس بخصوص ما قاله عن تطبيق بند الثماني سنوات في قانون الرياضة الجديد.
وتشهد الساحة الرياضية المصرية حاليا جدل شديد خاصة بين الأهلي ووزارة الرياضة المصرية بسبب قانون الرياضة الجديد.
وقال أحمد شوبير: «أبدي تحفظي الشديد على التعليق اللي قاله المهندس ياسر إدريس رئيس اللجنة الأوليمبية المصرية، في جلسة الوزير مع عدد من وسائل الإعلام».
وأوضح أحمد شوبير: «يعني حضرتك قلت إن فيه أندية مطبقة بند الـ 8 سنوات في لائحتها، خلي بالك اللائحة دي اللي عملاها الجمعية العمومية للنادي، ونادي الجزيرة من بعد الدكتور هاشم فؤاد ما شفاش استقرار شوية ونادي الجزيرة أصلا مش نادي رياضي، هو نادي اجتماعي أكثر، اه عنده صبغة رياضية في بعض الألعاب لكن هو نادي اجتماعي في الأساس».
وتابع شوبير: «مهندس ياسر إدريس قال 8 سنوات مطبق في بعض الأندية ومنها الجزيرة، طيب ليه حضرتك محطتش بند الـ 8 سنوات في لائحة اتحاد السباحة اللي حضرتك رئيسه؟، والانتخابات اللي جابت حضرتك رئيسا لاتحاد السباحة ومنه رئيسا للجنة الأوليمبية كلها 10 أندية، لإن الشروط اللي حضرتك حاططها في اللائحة هي اللي بتمنع الأندية إنها تصوت».
وأضاف شوبير: «أنا بكلم بشكل عام، فمنخدش القوانين زريعة إن أحنا نعمل اللي إحنا عازيينه وبعدين نرجع ندافع عن حاجات إحنا أصلا مش مقتنعين بيها ومش بكلم على الـ 8 سنيين بكلم بشكل عام».
