تفاعلت جماهير الزمالك على نطاق واسع، مع رسالة ممدوح عباس، رئيس الزمالك الأسبق لرئيس النادي الحالي حسين لبيب، عبر منصة إكس.
وكان قد كتب عباس عبر حسابه الرسمي على منصة إكس:«كلما غاب عني صوت الكابتن حسين لبيب دخلت في قلبي الطمأنينة أن الزمالك بخير، أرجو من الله العلي القدير أن يديم غيابه عليا».
وجاءت تعليقات جماهير الزمالك على تويته ممدوح عباس كالتالي:«حسين لبيب بعد التويته دى.. لازم يستقيل، بغض النظر عن المصايب اللى عاملها».
وأضاف آخر:«بعيدًا عن الصح والغلط اقسم بالله عنده حق المجلس ده اكتر مجلس خد دعم وفلوس حرفيًا طيب الطبيعي انك تشوف النادي ف حته تانيه بالفلوس والتمويل الرهيب اللي دخل النادي وكلنا عارفين أن فيه ملايين الدولارات دخلت النادي بس اتصرفت ف ايه تعالى بص على اسكواد فريق كرة القدم أضعف ما يكون».
وتابع: «طيب ألعاب الصالات رايحة ف داهية طيب حتى ملعب التدريب بتاع الفريق الأول كله حفر ونُقر وعلى نتاجه عندك إصابات كتيره طيب الفندق اللي بينزل فيه الفريق أقل من فنادق فرقه درجه تانيه طيب الفلوس بتروح فين واحد هيرد يقولك اصل غرامات وبطيخ تمام يا حبيبي وبيقى الفلوس اللي كانت بتتبعت عشان الصفقات بس راحو جابو بيها لاعيبه كسر والباقي سمسرة».
وعلق آخر:«ناقص يغنى يا غايب ليه ما تسأل أحبابك اللى يحبونك».
وأضاف آخر:«.. الأرض، اللي هو لما يبقي مزنوق ومحتاج فلوس بيصدعني».
وتابع مشجع آخر:«ممدوح عباس ده.. وضيع هيبة النادي في العشريه السوداء منكم لله».
وفي نفس الأمر أضاف مشجع آخر:«حسين لبيب يستاهل.. والله إنه سمح لواحد زي ده كلهم شبه بعض ومرتضي معاهم خربوا النادي وبيحاربوا بعض من أجل.. وأفضل واحد فيهم كان كمال درويش، لو عندك.. يا لبيب طلع بيان.. إداره فاشلة».
وتابع آخر:«دا إيه الإهانة دي بجد، هو حد يقبل على نفسه كدا يا جدعان، مش عمل عام ومفيش منه استفادة، ليه يقبل يتهان كدا».
