رد عدلي القيعي رئيس شكرة الكرة السابق، للنادي الأهلي على تصريحات الإعلامي عمرو أديب، بشأن ميزانية القلعة الحمراء.
وقال القيعي في تصريحات عبر قناة «الأهلي»: «الأستاذ عمرو إذا كنت عاوز تعرف الأهلي بيجيب فلوسه منين، ممكن الإدارة تبعتلك نسخة من الميزانية بتاعتها اللي بتعتمدها الجمعية العمومية كل سنة، واللي بتعتمد من الجهاز المركزي للمحاسبات، وهتعرف بالتفصيل الأهلي بيجيب فلوسه منين».
وأضاف القيعي: «مسألة القرض ليس لها علاقة باللاعيبة خالص، لأنهم لهم ميزانية خاصة، والأهلي يضيف يوميًا أصل من الأصول».
وأتم: «فلوس الأهلي تجدها موجوده في مقرات النادي الأربعة، واستطاع أن يصل إلى هذا بعمل دؤوب علمي منظم شفاف، ولو كنت عايز تعرف أنا مستعد أقعد معاك وأناقش معاك الميزانية كلمة كلمة وحرف حرف».
وكان عمرو أديب قال في تصريحات خلال برنامجه «الحكاية»، المعروض على فضائية «إم بي سي مصر»، مساء الجمعة الماضي: «عايزين نعرف الأهلي بيجيب فلوس منين علشان نجيب فلوس إحنا كمان ونجيب لعيبه قادره تقف على رجليها».
وأضاف: «وضعنا غريب وشيء مش لطيف مينفعش، ده الزمالك، إنما هما ماشين حلاوه نفسي اعرف بيجيبوا الفلوس منين ومفيش قواعد للصرف والفلوس، مينفعشي ده يبقى نادي الزمالك مفيش حاجة نافعة».
وأتم: «على الجانب التاني هما يقولوا هات نص مليار اديهم نص مليار.. مين بيديهم الفلوس دي كلها طيب يا جماعة، إحنا مش قادرين نجيب 150 حتى، حاجة تضايق وتنقط بجد اللي بيحصل ده».
