وجه محمد عبدالمنعم، لاعب منتخب مصر ونادي نيس الفرنسي، رسالة بشأن حسام حسن، المدير الفني للمنتخب الأول، وطموحات الفريق بشكل عام خلال المرحلة المقبلة.
وقال محمد عبدالمنعم في تصريحات عبر شبكة «بي إن سبورتس»: «مجموعتنا قوية في التصفيات مع منتخب مصر، ومحتاجين نركز على كل الماتشات اللي هنلعبها».
وأضاف: «معانا حسام حسن المدرب، بقالنا سنة مع بعض، الأمور ماشية كويس وكل الماتشات في التصفيات كسبناها وتصفيات كأس العالم، بنبني جيل جديد يكون حاجة كويسة مع منتخب مصر ونوصل لأبعد حد في بطولة أفريقيا»
وأكمل: «عندنا هدف إننا نعمل حاجة مع المنتخب كل اللاعيبة ومحتاجين نعمل حاجة مع المنتخب».
وتابع: «إن شاء الله نبقى قد المسؤولية وكلنا نتكاتف مع بعض زي بطولة الكاميرون، الجيل ده المفروض يعمل حاجة لمنتخب بلاده، عندنا جودة كويسة وأحسن لاعيبة في العالم موجودة ومدرب عنده شخصية بيحب بلده عنده روح، عايز يعمل حاجة، نملك إدارة جديدة وجمهور ونملك كل حاجة إننا نوصل لحاجة كبيرة».
