تحدث محمد عبدالمنعم، مدافع الأهلي السابق ونيس الفرنسي الحالي، بشأن فارق اللعب بين الفريقين.
وقال محمد عبدالمنعم في تصريحات عبر شبكة «بي إن سبورتس»: «الاختلاف مش كبير، الأهلي نادي كبير جدًا وأكبر في أفريقيا والشرق الأوسط».
وأضاف: «اتربيت في الأهلي 15 سنة، أحلى لحظات حياتي كانت هناك، بتشرف إني ارتديت قميصه وبحب النادي جدًا وبشكرهم على كل حاجة ساعدوني فيها، ولو مكانش الأهلي مكنتش بقيت هنا في نيس».
وأكمل: «النادي هناك في كل المقومات اللي بتساعد على النجاح، لكن في نيس هنا الأجواء أوروبية مفيش حاجة بتشغلك وبتركز في الكورة والأعمار صغيرة جدًا للاعيبة، وده الفرق عن مصر، هنا بتعيش حياة احتراف أكل ونوم بدري، إنما في مصر ممكن التدريب بيكون متأخر شوية فبيخلي عندك خيارات إن ممكن تسهر أكثر».
