هاجم عدلي القيعي، رئيس شركة الكرة السابق بالنادي الأهلي، أحمد حسام ميدو عضو لجنة التخطيط في نادي الزمالك، بعد تعليقه على واقعة إلقاء الزجاجات على السويسري مارسيل كولر المدير الفني السابق للنادي الأهلي.
وانتقد أحمد حسام ميدو، تصريحات أيمن بدرة، المتحدث باسم لجنة ضبط أداء الإعلام الرياضي الخاصة بمن اعتدى على السويسرى مارسيل كولر في مباراة الاهلى وصن داونز، موضحًا أن إنتمائه تغلب على مهنيته.
وهاجم عدلي القيعي أحمد حسام ميدو في تصريحات تليفزيونية عبر قناة الأهلي قائلًا:«ده تصرف طبيعي يا كابتن ميدو، وعايز أفهم حضرتك كنت بتتفرج على بالية ولا على كرة، أنت كدا بتعمل فتنة».
وتابع القيعي:«أنت تجرأت وقولت برضه قبل كدا الكابتن الجوهري قال، وكل كلمة بتقولها أنت اللي بتنفيها، ايه اللي جرالك يا كابتن ميدو، تعمل بمبدأ الغاية تبرر الوسيلة».
واختتم القيعي:«حد بحجمك كراجل مسؤول أو لاعب أو محسوب وبتتصدر المشهد في نادي الزمالك، مينفعش كل شوية تطلع تتكلم، هاتلي مسؤول في الأهلي شاور على الزمالك بكلمة، أنت كل كلامك عن النادي الأهلي، أحنا عايزين الشخصية اللي بتتكلم وهي ملهاش مصالح، الشخصية دي مش لايقه عليك ».
