كشف أمير مرتضى منصور، المشرف العام على فريق الكرة السابق بنادي الزمالك، عن كواليس عقود عدد من لاعبي الفريق الأول لكرة القدم بالقلعة البيضاء، خلال فترة وجوده بالنادي.
وقال أمير مرتضى منصور، خلال حواره ببرنامج «جمهور التالتة»، الذماع عبر فضائية «ام بي سي مصر 2»: «أنا قولت مقولة (الحمدالله لحقت عقد إمام عاشور قبل ما يتوثق)، المقصود من إني أقول الجملة دي إني بعد ما رجعت نادي الزمالك في الولاية الثانية لقيت عقود 8 لاعبين تم تجديدهم بواسطة اللجان التي كانت تدير النادي».
وأضاف: «8 عقود كان فيهم مشاكل، زيزو، كنا سايبين عقده مفيهوش شرط جزائي رجعت لقيت عقده فيه شرط جزائي 42 مليون جنيه في السنة الأولى و25 مليون جنيه في السنة الثانية».
وتابع: «عقد جنش، متجدد في شرط جزائي 2.5 مليون جنيه دفعهم وراح فيوتشر»
وأكمل: «أوباما كان حاطط بند محدش ياخد أكتر منه، واللاعب بعدها طلب يغير البند ده»، مضيفًا: «عقد الونش، كان به شرط جزائي 4 مليون دولار».
وأردف: «عقد شيكابالا كان في مشاكل كتيرة جدًا من الناحية المالية غير اللي اتفق عليه».
وأتم: «لما قولت (الحمدالله عقد إمام عاشور، متوثقش) لإن العقود اللي قبل كدة كلها بايظة وأكيد عقده كان هيبقى في مشاكل زي العقود اللي اتعملت».
