علق أمير مرتضى منصور، المشرف العام السابق بنادي الزمالك، على إقالة السويسري مارسيل كولر، من تدريب الفريق الأول لكرة القدم بالنادي الأهلي.
وقال أمير مرتضى منصور، خلال حواره ببرنامج «الكرة مع فايق»، المذاع عبر فضائية «ام بي سي مصر 2»: «في حاجة حصلت اليومين دول نفس اللي حصل في موضوع المغربي خالد بوطيب، مهاجم الزمالك السابق»، مضيفًا: «خالد بوطيب، كنا متوسمين فيه أنه يتوفق وينجح مع نادي الزمالك ولكنه متوفقش ومنجحش،».
وأضاف: «كنت عايز أوفر فلوس بوطيب، كي لا أهدرها على نادي الزمالك، لأن مفيش ضمانة إن اللاعب ينجح، ده بيحصل في العالم كله وحصلت امبارح في النادي الأهلي».
وتابع: «النادي الأهلي خسر بطولة أفريقيا، كولر، عقده مكمل النادي الأهلي لديه رغبة في فسخ التعاقد والمدرب متمسك باستكمال عقده، ده اللي حصل مع بوطيب».
وواصل: «النادي الأهلي ممكن يكون عنده القدرة المالية أنه يعطي لكولر، عقده بالكامل ويرحل».
وواصل: «نفس أسباب الفشل هي نفس أسباب النجاح، كولر لو كان خد بطولة أفريقيا وقرر يفسخ عقده قبل كأس العالم للأندية الناس كانت هتقول إزاي الأهلي مكنش مأمن المدرب وحاطط شرط جزائي كبير».
