علق خالد بيومي، المحلل الرياضي على مستوى فريقي برشلونة وإنتر ميلان، في المباراة التي جمعتهما أمس الأربعاء، في بطولة الدوري أبطال أوروبا، وانتهت بالتعادل الإيجابي 3-3، منتقدًا مستوى الكرة المصرية.
وقال خالد بيومي، في فيديو نشره عبر صفحته على موقع التواصل الاجتماعي «فيس بوك»: «الكورة اللي شوفنها امبارح دي كورة غريبة وعجيبة جدًا، هي دي كورة القدم الحقيقية هي دي كورة القدم، اللي مفروض تتعلب».
وأضاف: «ما نشاهده في مصر تحديدا كدوري وإمكانيات لاعبين وإمكانيات مدربين وإمكانيات أندية دي مش كرة قدم يا جماعة، عشان منضحكش على بعض ونضحك على الناس ونقعد نحارب بعض على السوشيال ميديا في حاجات بعيدة عن كرة القدم».
وتابع: «ما شاهدناه في ملعب الكامب نو في مباراة برشلبونة وإنتر، دي فعلا كرة قدم يدفع فيها ملايين عشان تتفرج عليها وعشان تتابعها».
وواصل: «إنما ملاعبنا ومبارياتنا ودورينا 90 دقيقة، مستوى تحكيم صفر ومستوى لاعبين صفر ومستوى مدربين صفر ومفيش جمهور، دي مش كورة قدم يا جماعة، وميجيش في الأخر مدرب ياخد 4 مليون دولار وهو أساسا الدوري ميستهلش 5 مليون دولار، وميجيش لعيب يطلب 100 مليون وهو أساسا ملبيعرفشس يعمل باص».
وأتم: «كرة القدم اللي شوفنها في مباراة برشلونة وانتر ميلان، هي دي كرة القدم الحقيقية».
