علق عدلي القيعي، أحد مقدمي برنامج ملك وكتابة على قناة الأهلي، ورئيس شركة الكرة السابق بالنادي الأهلي، على تأجيل مباراة الزمالك ضد بيراميدز في نهائي كأس مصر، لارتباط الأخير بنهائي بطولة دوري أبطال أفريقيا.
وقال القيعي خلال برنامجه ملك وكتابة على قناة الأهلي: «أسمع كلامك عايز أصدقك أشوف أمورك أحمد ربنا، السنة اللي فاتت كنا بنقول الأهلي بيمثل مصر وأجلوا مباريات الكأس، ودلوقتي سبحان الله مباراة النهائي اتأجلت لـ بيراميدز في النهائي عشان بيمثل مصر في بطولة أفريقيا».
وأضاف: «كلنا بنساند بيراميدز بالتأكيد أهلاوية وزملكاوية وبنتمنى بالتأكيد تتويج بيراميدز ومساندته واجبه، وبعدين الزمالك كمان وافق على التأجيل في دور وطني يحسبله على الرغم من أن كان من مصلحته إنه يلاعب بيراميدز في وقت معين».
وأكمل: «ياريت يطبقوا العدالة وتطبيق لائحة المالي النظيف، لكن كل شوية يقولوا أصل اللي قال في ذمة الله، وكل نموذج اتكلم كلمة نجيبله كلامه اللي بيناقض فيه نفسه وبيناقض الحقيقة»
