كشف حسني عبدربه نجم نادي الإسماعيلي السابق، عن سبب تدمير «الدراويش» خلال الموسم الحالي.
قال حسني عبدربه خلال مداخلة هاتفية مع برنامج الكابتن: «إن شاء الله الإسماعيلي بفضل جمهور ميهبطش للدرجة الثانية، بس حقيقي أحنا كل سنة بتكلم عن أسباب الانهيار في الفريق ومحدش بسمعنا».
وأضاف:«المشكلة مش كورة ولا العيب في اللاعبين، الموضوع كبير جدًا وأصله مشكلة إدارات وده أنا قولته قبل كدة».
وواصل:«الفكرة أن أي مجلس بيجي للنادي بيكون عارف مشاكل الإسماعيلي، لكن أول ما يمسك المنصب يصدر للجمهور أنه متفاجئ من هذه المشاكل ومكنش يعرف حاجة».
وتابع: «وأنا هنا مش بتكلم على أشخاص خالص أنا بتكلم عن مؤسسة، عشان كد بقول نخاطب المؤسسة ونقولها فين الحلول».
وواصل: «أنتوا كمسؤولين عارفين أن المجلس السابق بقيادة الكومي دمر النادي، هل أنا داخل بقي عشان أحل المشاكل دي، ولا أنا داخل أصمم على أراء فنية تغرق الفريق والنادي».
واستكمل: «كل اللي أنا بقوله ده تساؤلات الشارع الإسمعلاوي، عايزين ندور على حلول المشاكل مش نكبرها ومش هينفع نعمل مجلس الكومي شماعة للأخطاء».
وأتم:«على اللاعبين والجمهور دور كبير حتي لايهبط الفريق، والحلول اللي مش قد الشيلة يمشي، وكلنا ورا الإسماعيلي».
