كشف محمد رمضان المدير الرياضي السابق في النادي الأهلي، عن كواليس الأيام الأخيرة في فترة تولي السويسري مارسيل كولر القيادة الفنية للنادي الأهلي، مشيرًا إلى أن تصرفات السويسري مع لاعبي الأهلي اختلفت.
وأعلن النادي الأهلي رحيل كولر عن صفوف الفريق يوم السبت الماضي، وذلك بعد سوء نتائج الفريق في الفترة الأخيرة، وآخرها وداع المارد الأحمر بطولة دوري أبطال أفريقيا من دور قبل النهائي على يد صن داونز الجنوب إفريقي.
وقال رمضان في تصريح تليفزيوني عبر شاشة «إم بي سي مصر 2»: «ما تردد حول تدخل سامي قمصان في طريقة اللعب أو الأفكار بالمباراة الذهاب أمام صن داونز غير صحيح بالمرة، محدش بيتدخل في شغل كولر، والسويسري هو اللي بيطلب استشارة قمصان فقط في الجهاز الفني».
وأضاف: «كولر كان بيقدم وعود ومبتتنفذش وتصرفاته اختلفت مع اللعيبة زي مثلا أنه يقول للاعب انت كويس النهاردة وهايل، فبيجي اعتقاد للاعب أنه هيلعب الماتش الجاي ويلاقي نفسه مبيلعبش، فبيعتبروه أنه مكنش صادق معاهم».
وأكمل: «ظني أنه ممكن يكون في تربص من اللعيبة وليس حقيقي، لأن الكورة طول عمرها كدة أي واحد برا التشكيل الأساسي بيبقى زعلان وغضبان».
وأردف: «من وجهة نظري الشخصية أن كولر مكنش ينفع يكمل لأن مستوى وأداء اللعيبة كان بيقل، مفيش ماتشين أو تلاته بيبقى فيهم المستوى عالي، اعتقد أن ده الوقت المناسب، وأتمنى يجي مدير فني جديد في أقرب وقت بحيث يكون قدامه شهر قبل كأس العالم للأندية ويعرف اللعيبة كويس».
وأتم: «الأهلي كان بيجهز ملف المدير الفني الجديد من فترة، ولو كان كولر كسب ماتش صن داونز كان هيكمل، الأهلي مكنش بيقدم أحسن أداء ولكن كان في نتائج إيجابية وأرقام كويسة».
لمزيد من التفاصيل اضغط هنـــــــــــــــــا
