كشف محمد رمضان، المدير الرياضي السابق في النادي الأهلي، كواليس رحيله عن منصبه من النادي الأهلي، مشيرًا إلى أنه لم يفضل أبدًا طوال حياته العمل في المنظومة الرياضية.
وقال محمد رمضان في تصريح تليفزيوني عبر شاشة «إم بي سي مصر 2»: «بعد وداع دوري أبطال أفريقيا بعد التعادل 1-1 في إياب نصف النهائي أمام صن داونز، كنت متأكد بنسبة 100% أنه هيبقى في إقالة للجهاز الفني، وفي نفس الوقت الناس مش مبسوطة وهيبقى في خلاف على أي حد من الجهاز الفني بالكامل».
وأضاف: «بعت للكابتن محمود الخطيب نقدم استقالة أو اعتذار لكل اللي بيشتغلوا أنا ومحمد شوقي وسامي قمصان، عشان مفيش حد بيعمل ضغط ونسيب حرية مطلقة للجاي».
وأكمل: «صليت استخارة قبل تقديم الاعتذار لقيت نفسي بسرح في صيغة الاعتذار كانت غريبة بالنسبالي، فحسيت بهدوء شديد وأنا بسجد».
وأتم محمد رمضان تصريحاته قائلًا: «عمري في حياتي محبيت إني اشتغل في الكورة، ولكن بعد مبطلت كورة واعتزلت بقيت مدير كرة، وكنت بدور إني أعمل بيزنس أحسن، لإن الكرة مرهقة زيادة عن اللزوم ولعبها أسهل».
