تحدث محمد رمضان المدير الرياضي السابق بالنادي الأهلي، عن حقيقة تلقي النادي الأهلي عرضًا خياليًا لرحيل وسام أبو علي نجم الفريق.
وقال محمد رمضان في تصريح تليفزيوني عبر شاشة «إم بي سي مصر 2»: «بالفعل وصل عرض لضم وسام أبو علي من الدوري الأمريكي، والمشكلة أنهم بيأيدوا اللعيبة في شهر أبريل فكانت الحيرة في الموافقة على القرار».
وأضاف: «كان عندنا أمل أننا نلعب نهائي أفريقيا، وكمان عايزين وسام أبو علي يلعب معانا كأس العالم للأندية، فبالتالي أرجئنا القرار لما بعد مونديال الأندية».
وأكمل: «وصلنا لحد 6 مليون دولار وكنا رافضين لإن دي مفاوضات، وكان ممكن نستغنى عنه لو الرقم أكبر من كدة ونجيب حد مكانه».
وأردف: «كان نفسي أجيب ديريك كوتيسا لكن الظروف مكنتش مناسبة في أوقات معينة، والوقت اللي كان ممكن يجي فيه بقى عندنا زخم في المهاجمين وأنا مش من أنصار إني أجيب لاعب أجنبي وأقعده على الدكة».
