وجه أحمد شوبير حارس مرمى الأهلي ومنتخب مصر السابق رسالة نارية إلى مسؤولي نادي بيراميدز بعد التصريحات التي اطلقها مسؤولو النادي أمس عقب الخسارة من فاركو في بطولة الدوري.
وخسر بيراميدز أمس من فاركو بنتيجة 3-2 وفاز الأهلي على حرس الحدود بخماسية نظيفة لتشتعل بطولة الدوري في الأمتار الأخيرة.
وقال أحمد شوبير في تصريحات إذاعية: «إمبارح طلع كابتن معتصم سالم نائب المدير الرياضي في نادي بيراميدز وتحدث عن غياب العدالة من رابطة الأندية وعدم وجود مبدأ تكافؤ الفرص وإن ده سبب الأداء السيء لفريق بيراميدز، وكل القرارات الأخيرة موجهة ضد بيراميدز لمنعه من الفوز بلقب الدوري».
وعلق شوبير منتقدا: «طبعا البيانات بقت معتادة من كل فرق الدوري وكله بيعمل بيانات، مفيش حد راضي هل المنظومة نفسها فيها خلل ولا إحنا اللي عندنا مشكلة؟، لكن إمبارح طبعا الفوز بتاع فاركو على بيراميدز 3-2 ويليه فوز الأهلي على حرس الحدود بخماسية منح الدوري شكل تاني خالص».
وأوضح شوبير: «أنت باقي عندك 4 جولات مفيهاش هزار هتعمل أيه؟ بصوا الأمر سهل وبسيط جدا اللي عايز يكسب يفوز، وبقول لكابتن معتصم أنت بالذات لو كسبت الـ 4 مباريات بتوعك هتكسب الدوري دون أي حسابات فالكرة في ملعبك، ألعب وفوز وقول للاعيبتك إن أنتوا كنتوا مش كويسين وكنتوا سيئين ولا تستحقوا المكسب أمام فاركو».
