كذب أمير مرتضى منصور، المشرف العام السابق على فريق الكرة بنادي الزمالك، أحمد فتحي، نجم الأهلي ومنتخب مصر السابق.
وذلك بعد تصريحاته بأن نادي الزمالك حاول ضمه في صيف 2018، عندما كان لاعبًا في النادي الأهلي، حيث قال في تصريحات تلفزيونية: «نادي الزمالك عرض على مبلغًا ماليًا كبيرًا للانتقال إلى صفوفه خلال فترة تواجدي في النادي الأهلي، حيث وصل العرض إلى 50 مليون جنيه».
ورد أمير مرتضى منصور، على تصريحات أحمد فتحي، حيث قال خلال حواره ببرنامج «ملعبنا»، المذاع عبر منصة «المشهد»: «كان هناك اهتمام بالتعاقد مع أحمد فتحي، لكن الصفقة فشلت بعد علم النادي الأهلي بحصولنا على توقيع عبدالله السعيد»، مضيفًا: «أحمد فتحي، لم يوقع للزمالك مثل عبدالله السعيد».
وأضاف: «كنتوا عارضين على أحمد فتحي، 50 مليون جنيه؟ هعرض على باك رايت 50 مليون ليه! عبدالله السعيد، خد 40 مليون، لكن أحمد فتحي، لعيب مهم أه ولكن مش هدفع لباك رايت 50 مليون».
وتابع: «الكلام اللي قاله أحمد فتحي، محصلش، يطلع يقول مين اللي عرض عليه 50 مليون، أنا اللي كنت مسؤول في تلك الفترة».
وأوضح: «احنا كنا مهتمين بأحمد فتحي، ولكنه لم يوقع للزمالك واحنا مكناش مهتمين بيه بنسبة 100%، اهتمامنا كان بعبدالله السعيد».
وواصل: «بالتأكيد أحمد فتحي، كان بيسمع أرقام من الوسيط في الصفقة ميدو حزين وسيد مرعي، الأرقام اللي كانت معروضة على أحمد فتحي، أقل من عبدالله السعيد، بكتير».
وأكمل: «في مرة أحمد فتحي، قابلني وزعل وقالي (ليه بتقوله انكم قاعدتوا معايا)، فعلًا محدش قعد معاه، لكن هو بعد كده بيقول (اتعرض عليا الزمالك ورفضت)».
وأتم: «أحمد فتحي، هو اللي تعرض علينا ولكن الصفقة لم تكتمل ومقعدناش معاه ولا اتكلمنا معاه، الكلام كان مع الوسيط».
