كشف أحمد سليمان عضو مجلس إدارة نادي الزمالك، عن سر خلافه مع الإعلامي أحمد شوبير وحارس عرين فريق كرة القدم الأول بالنادي الأهلي السابق.
وقال سليمان في تصريح تلفزيوني عبر شاشة «إم بي سي مصر»: «أعرف شوبير من التمنينيات. اختلفنا كتير جدًا، وبنرجع ونختلف تاني، وعلاقتنا الأسرية حلوة جدًا بحب ولاده وهما صحاب ولادي».
وأكمل: «زعلت منه عشان كنت مرشح لمنصب قوي وكنا بنقعد وبنتفق، أحزني إن شوبير اتكلم مع الناس دي وقال إني لا أصلح لهذا المنصب، وبعدين اتقابلنا في مناسبة وقالي متزعلش من رأيي». وأردف: «اختلفنا كتير من قبل ولكن دي المرة اللي زعلت فيها جامد».
