رد أحمد حسام «ميدو»، عضو لجنة التخطيط بنادي الزمالك على تصريحات أمير مرتضى منصور، المشرف العام السابق على فريق الكرة بالقلعة البيضاء.
كان أمير مرتضى، قال في تصريحات تلفزيونية: «أنا مش عارف مين المسؤول حاليًا، مش عارف كابتن حسين لبيب، ولا هاني شكري، ولا أحمد حسام ميدو، ولا ممدوح عباس».
وقال أحمد حسام «ميدو»، في تصريحات تلفزيونية عبر فضائية «اون سبورتس»: «أنا شوفت ناس بتقول هو مين بيدير الكرة في الزمالك، أنا هقول عشان من حق الجمهور أنه يفهم، مجلس إدارة نادي الزمالك كان في مأزق ولجأ لنا لتولي لجنة التخطيط، فلما مسكنا مقالناش حاجة، فاضطرينا نعمل أدوار مش بتاعتنا».
وأضاف: «لما دخلنا مكنش في حاجة، الفرقة مبنية غلط، العقود متفاوتة بشكل كبير جدًا، الحال اللي كان عليه الفريق لو كان اتساب شهر ولا شهرين كمان الدنيا كانت هتبقى صعبة جدًا».
وتابع: «احنا حاليًا بتلم الأخطاء اللي حصلت في طريقة تحضير الفريق للموسم».
