كشف على معلول ظهير أيسر فريق كرة القدم الأول بالنادي الأهلي، عن كواليس جلسته مع محمد رمضان المدير الرياضي بالقلعة الحمراء.
وقال على معلول خلال تواجده ضيفا ببرنامج «حارس الأهلي»: «مش بركز مع كل ما يثار على السوشيال ميديا، وجلست مع محمد رمضان للمرة الأولى، في يوم كان راحة للفريق، وكنت بتدرب منفرد».
وتابع: «رمضان سألني شايف المرحلة اللي أنا فيها دي إزاي، وقولتله أنا مركز حاليا في فترة التأهيل وبعد كدة عاوز أشارك في المران وبعدها نشوف القرار المناسب».
وزاد: «قولت للكباتن رمضان أنا لو نزلت الملعب هاكون موجود على طول في التشكيل، وأنا حاليا بعد 6 أسابيع من التمرين شايف نفسي أفضل».
