أكد أيمن أشرف، مدافع الأهلي السابق والبنك الأهلي الحالي، أنه يرتبط بعلاقة صداقة قوية مع بعض لاعبي الزمالك.
وقال أيمن أشرف، في تصريحات فضائية عبر شاشة «إم بي سي مصر»: «ارتبط بعلاقة صداقة مع بعض لاعبي الزمالك، ولكن في مباريات القمة ممكن نتخانق مع بعض عادي جدًا»، مشيرا: «طارق حامد صاحبي جدًا، كنا بنتخانق مع بعض جامد أثناء مباريات القمة ولكن بعد المباراة إحنا أصحاب».
وأضاف: «في مباريات القمة ممكن العلاقة توصل للضرب وما أبعد من ذلك ولكن بعد المباراة إحنا إخوات».
وتابع: «اللاعيبة اللي بتكمل خناق بعد المباراة دي لاعيبة بتاعة لقطات»، مضيفًا: «في لاعيبة كان رد فعلها قوي بعد المباريات، في لاعيبة هي اللي بتسخن الجمهورين على بعض».
وأتم: «في لاعيبة بتعمل كدة عشان يبينوا أنهم أكتر ناس بتحب النادي، اللي بيعمل كده بيهجص، المواقف دي كانت بتحدث في مباريات القمة أمام الزمالك».
