نال لاعبو الزمالك هجومًا كبيرًا من قناة النادي، وذلك بعد الخسارة من بيراميدز، ضمن منافسات بطولة الدوري المصري.
وانتهت نتيجة مباراة الزمالك وبيراميدز بفوز الفريق السماوي، بهدف نظيف، اليوم الثلاثاء، لحساب الجولة السادسة من المرحلة النهائية ببطولة الدوري.
وقال حمادة عبداللطيف، نجم الزمالك السابق، في تصريحات عبر قناة النادي عقب مواجهة بيراميدز: «أنا واخحد من الجمهور، زهقت. أنتم ليه بتعملوا كدة، لازم نتكلم واقعي معندكش لاعيبة وفي لاعيبة متمشيش جنب النادي ولا في روح، احنا مروحناش بهجمة النهاردة».
وأضاف: «النهاردة بيراميدز في أسوأ حالة، مسلسل العكننة ده هيفضل مستمر كتير؟».
وأكمل: «ده شكل نادي الزمالك أو لاعيبته؟! أنا زعلان بس هتكلم بتقييم موضوعي. اللي بيحصل ده معانا لازم الواقفة وشكلنا بقى وحش مش كل ماتش حرقة دم وأعصاب».
