رد وليد صلاح الدين، نجم الأهلي السابق، على ما يردده البعض بشأن تفويت الفريق الأول لكرة القدم بنادي الزمالك مباراة بيراميدز.
وقال وليد صلاح الدين، في تصريحات عبر إذاعة «أون سبورت اف ام»: «الناس اللي بتقول الزمالك فوت مباراة بيراميدز، مفيش الكلام ده خالص الزمالك ابتدى المباراة وحش والأداء تحسن في الشوط الثاني».
وأضاف: «محدش يقبل على نفسه أنه حتى بتعاطف، لأنهم عارفين دي أرزاق ناس، لو اتعاطفت مع فرقة بتضر في فرقة تانية مالهاش ذنب».
وتابع: «مفيش لعيب هيسيب ماتش لمجرد أنه متعاطف، هو برضه لو كسب هياخد مكافأة».
وواصل: «البعض بيقول محمد عواد، محدش بيبقى قاصد يعمل في نفسه كده، عواد لعيب كبير ولعيب دولي ومحدش يستحيل يعمل في نفسه كده».
وأتم: «أنا بقول للناس كلها اتقوا الله محدش يوصف حد بحاجة هي مش موجودة».
