انتقد الإعلامي أحمد شوبير، مساء اليوم الأربعاء، نادي الزمالك بسبب مباراة بيراميدز والتي أقيمت ضمن منافسات مسابقة الدوري المصري الممتاز موسم 2024-25.
قال أحمد شوبير، عبر تصريحات على قناة «الأهلي»: «الزمالك امبارح خرج من الماتش بإرادته امام بيراميدز، ومش هكمل افهم بين السطور، الزمالك امبارح مشاطش شوطة على بيراميدز والكرة الوحيدة اللي وصلت لمرمى الزمالك اتسجلت هدف».
وأضاف: «أنا مش بتهم حد بحاجة، لكن مكنش في روح وغيرة على التيشرت أو اهتمام، وكان شعور عام على كل الزملكاوية، والمدرجات فاضية والسوشال ميديا بتتكلم ووصلت للنتيجة دي».
وتابع: «بدل ما كنت تحسب حساباتك لو كنت كسبت الماتش دا كان هيبقى عندك فرصة للمنافسة على مقعد دوري أبطال أفريقيا».
بينما أتم: «عشان مترجعش بقى بعد سنين وتتكلم على نادي القرن، انت مش بتشارك في البطولة اللي بتخلي عندك تصنيف، حتى المركز التاني اللي كنت بتاخده، بقيت بتفرط فيه».
الجدير بالذكر أن فاز فريق بيراميدز مساء أمس الثلاثاء، على مضيفه نادي الزمالك بهدف دون مقابل، في إطار منافسات مسابقة الدوري المصري الممتاز موسم 2024-25.
