سخر الإعلامي أحمد شوبير من اتحاد الكرة، بسبب شكل الدوري الجديد، وتحديد الصاعدين والهابطين وعدد الفرق المشاركة في البطولة.
وقال أحمد شوبير في تصريحات إذاعية:«بعد إذن الرابطة لو سمحتم اعملوا لائحة محترمة، وقولولنا هترجعوا الدوري 18 نادي امتا، سؤال بسيط وسهل».
وأضاف شوبير:«في كارثة هتحصل أنا بحذر منها وهقول وهصرخ، هو أنت بجد عايز تصعد 6 فرق، وتعمل الدوري 24 نادي، على مجموعتين».
وتابع:«لا والله بجد، صحيح، انتوا عايزين تعملوا دا، ايون اتحاد الكرة يا عم، وعايز يعمل اوكازيون في الصعود، يا عم أنت أصلا جاي بالتزكية ومكنش عندك انتخابات، عايز تراضي الكل ازاي».
واختتم:«وبعدين أنت عندك مصيبة أصلًا في الاستثمار كدا، وهيكون عندك مشكلة في توزيع الأندية ومش هتعرف تستثمر بسبب تقسيم الأندية الكبيرة في المجموعات».
