هاجمت قناة الأهلي من خلال إبراهيم المنيسي مقدم برنامج ملك وكتابة ورئيس تحرير مجلة النادي، حازم إمام نجم الزمالك السابق بعد تصريحاته عن مباريات الأهلي والزمالك.
واستعرض إبراهيم المينسي فيديو لـ حازم إمام نجم الزمالك السابق، قال خلاله: «مليون في المية مفيش مدرب هيقول للاعيبة متلعبش كويس، وأنا أعرف إن اللاعيبة كلها نازلة المباراة ومفيش حاجه اسمها تفويت».
وأضاف إمام خلال الفيديو: «لكن أنا كواحد من الزمالك غصب عني مش هبقى عاوز حد بينافسك يأخد الدوري، فمش هتلاقي نفسك بتموت نفسك في اللعب، ومباراة الأهلي والزمالك غير أي ماتش آخر».
وتابع: «أي الدافع لي كلاعب إني أموت نفسي علشان المنافس يأخد الدوري».
ليعلق إبراهيم المنسي على تلك تصريحاته عبر شاشة قناة «الأهلي» قائلا: «أنا زعلت جدا من حازم إمام كونه لاعب موهوب ومن أسرة رياضية ماشاء الله عليها.. لكن أنا بوجهله همسة عتاب وظني إن حازم مبيحبش الفيديو ده وإنه يتمنى اختفاؤه لأنه نادم على ما قاله».
وأضاف المنيسي تصريحاته قائلا: «لا ياكابتن حازم مفيش حاجه اسمها كده ومبدأ الرياضة إنك تكسب وملكش دعوة بمن يستفيد ومن لا، ومفيش منطق يقول اللي إنت قولته ده وأنا ظني ويقيني إنك لو راجعت الكلام ده مش ممكن يكون ده مفهومك».
تعليق قوي من المنيسي على تصريحات حازم إمام عن مباريات الأهلي والزمالك #ملك_وكتابة pic.twitter.com/MRx5NSv0je
— Al Ahly TV – قناة الأهلي (@AlAhlyTV) May 15, 2025
