أبدى بشير التابعي، نجم الزمالك السابق، غضبه بسبب المستويات التي يظهر عليها الفريق الأبيض، خلال الفترة الماضية.
ويعاني الزمالك من تراجع النتائج والتي كان آخرها الخسارة من بيراميدز، الجولة الماضية، واحتلال المركز الثالث بجدول الترتيب، برصيد 41 نقطة.
وقال بشير التابعي في تصريحات عبر برنامج «اللعيب»: «بيراميدز بينافس بس وجهة نظري إنه مش هياخد حاجة ولا بطولة أفريقيا».
وأضاف: «بيراميدز أخد الكأس السنة اللي فاتت عشان الأهلي مكانش موجود، الزمالك كان موجود أها لكن عنده ظروف والنادي مش بيساعد نفسه في حاجة مش مظبوطة».
وأكمل: «الأهلي جايب منتخب العالم عنده، والمفروض من الدور الأول يكون ناهي القصة كلها، بس بيحصل حاجات محدش يتوقعها زي بيراميدز، لكن الأهلي لاعيبته تحس عندها نخوة شوية وحريصين ياخدوا بطولة، وده اللي بيقومهم بسرعة».
وتابع: «الزمالك مع إنه في ماتشاته لما تشوفه متحسش إن ده الزمالك وترتيبه كدة، لكن في الآخر في حالة غير طبيعية عايز يتكشف عليها».
