ردت جماهير فريق كرة القدم الأول بالنادي الأهلي، على الإعلامي عمرو أديب وتصريحاته، التي تلت فوز الأحمر بهدفين لهدف، على حساب البنك الأهلي.
وانتهت مباراة الأهلي ضد البنك الأهلي اليوم السبت، بفوز الأحمر، بهدفين لهدف، وسجل وسام أبوعلى هدف الفوز، في الوقت بدل الضائع.
وقال عمرو أديب في تصريحات عبر برنامج «الحكاية»: «قبل الماتش ما يخلص، كنت ببعت رسالة لواحد زميلي وبقوله كدة خلاص، وهو قالي لأ لسة، ولما الجون جه كلنا بعتنا لبعض رسالة فيها كلمة من 3 حروف مش هاقدر أقولها لكن كلنا عارفين، وفي ناس عملت حاجات تانية. هو في كدة؟».
وأضاف: «مش عشان الحكم بس عشان البشرية والكون عايزة الأهلي يكسب».
وأكمل: «أسوأ فريق كان بيلعب النهاردة هو الأهلي، كان بيلعب لعب سيء جدًا، والبنك الأهلي كان بيلعب بشرف وكرامة وفي النهاية الأهلي يكسب، وفي الآخر كالعادة شربناها سادة».
وكتب حساب يحمل اسم (Ahmed Yossef): «كل الأهلاوية كانوا واثقين أننا هنجيب جول الفوز أما بقى بخصوص الوقت في تغييرات حصلت في الوقت الإضافي ولازم الحكم يدي وقت زيادة يا اللي عاملين نفسكم فاهمين في الكرة وفي الأخر أحب اقولك معلش».
وكتب حساب يحمل اسم (Majdi Hassouna): «بالراحة على نفسك. أنا أهلاوي وكنت متأكد من فوز الأهلي في آخر ثانية».
وكتب حساب يحمل اسم (Gᕼᗩᗪᗩ ᔕᕼᗩᗷᗩᑎᗩ): «على فكرة انت مش فاهم الأهلاوية. أنا بناتي الاتنين كانوا قاعدين متوقعين الفوز وقبل الهدف بثانية بنتي قالت لي اصبري هنجيب جون».
وكتب حساب يحمل اسم (Marwa Farouk RN🐐👑): «طيب انت زملكاوي خارج المنافسة ضاغط نفسك ليه».
