عاد أحمد حسن نجم الكرة المصرية السابق، للحديث عن مستوى إمام عاشور، لاعب فريق كرة القدم الأول بالنادي الأهلي، وذلك بعد تألقه مع فريقه في المباريات الأخيرة ببطولتي دوري أبطال أفريقيا والدوري المصري.
كان أحمد حسن قد قال في تصريحات فضائية بوقت سابق، عبر شاشة «دي إم سي»: «لما يكون عندك حد كويس، بتحاول تنصحه لنفسه، أنا هاخد مقولة قالها قبل كدة الكابتن الخطيب، لما اتسأل في أحد البرامج عن رمضان صبحي وأحمد فتحي، قال (أنا مش زعلان منهم أنا زعلان عليهم )، إمام عاشور، نفس الحكاية الناس زعلانة عليه وعلى الحالات الجدالية اللي هو بيعملها اللي هي مالهاش أي لازمة ومالهاش أي علاقة بكرة القدم» (طالع المزيد من هنــــــــــــــــــا).
وقال أحمد حسن خلال تصريحات فضائية عبر شاشة «أون تايم سبورتس» مساء اليوم عقب فوز الأهلي على بتروجت: «الناس زعلت لما قولت ونصحت إمام إنه يركز في الملعب، أنا مش هاخد حاجة من إمام لما يكون كويس أنا بس بنصحه».
وتابع: «شوف لما إمام ركز في الملعب مستواه بقى عامل إزاي، والمفروض هو اللي يشكرني علشان نصيحتي ليه».
