يتواصل الحديث حول الحدث القاري المنتظر بين بيراميدز وصن داونز في إطار الدور النهائي لبطولة دوري أبطال أفريقيا، وسط تطلعات كبيرة لصبع الكأس بألوان العلم المصري.
ويعاني ممثل مصر في البطولة القارية، من نقص المؤازرة الجماهيرية، ويتضاعف تأثيرها مع طبيعة فريق صن داونز الذي يعول على عاملي الأرض والجماهير في تحقيق الفوز ذهابا.
وتباينت التعليقات حول إعلان وزارة الشباب والرياضة نيتها دعم بيراميدز بـ 10 آلاف مشجع لمؤازرة الفريق خلال مواجهة العودة إلى جانب تقديم جميع التسهيلات ونهاية بحضور الوزير أشرف صبحي للمواجهة.
وجه الإعلامي أحمد شوبير عدة تساؤلات حول كيفية حشد الوزارة الجماهير لدعم بيراميدز، محذرا في الوقت نفسه من تحميل الدولة تكلفة الخطوة.
وأضاف شوبير خلال ظهور إذاعي: «الوزير قال هنحشد ناس عشان يشجعوا بيراميدز، هيحشد إزاي هيكون من مراكز الشباب الموضوع مفيهوش مشكلة، والبعض غاضب جدا وقال للوزير أنت ما تحشدش على حساب الدولة، لأ مش هيبقى على حساب الدولة هيبقى على حساب بيراميدز وده اللي بطلبه من الدكتور أشرف صبحي، هو هيقول لهم أنا هجيب لكم ناس بس، حضراتكم كنادي بيراميدز هتتكفلوا بالمصاريف والتذاكر والانتقالات والوجبات والحاجات دي كلها، فلا غبار على ما يفكر به الوزير وده دور دولة».
وأوضح: «هنا الأزمة السؤال هل الناس دي هتروح تشجع، ما هو أصل جماهير الكورة له طبيعة خاصة أنا عايز الناس تروح تشجع من قلبها أنا مش أحط ناس في المدرجات قاعدة ملهاش لازمة لكن قصة أقعد ناس في المدرجات فقط للمنظر، زي فيلم عادل إمام المنسي لما مع محمد هنيدي قال يا كابتن الفيلم ده قصة ولا مناظر إحنا مش عايزين الموضوع يبقى قصة ولا مناظر عايزين الموضوع يبقى مشجعين بجد ولو 5 آلاف بس».
وعلق حساب باسم جمال السيد: «يعني هنجيب الناس من بيوتها عشان تشجع بالعافية».
فيما قالت إيمان غازي: «فريق برياميدز ممثل مصر في البطولة ويستحق الدعم والمساندة خاصة إننا فقدنا فرصة الفوز بلقب قاري على مستوى المنتخبات والفرق».
ورد محمود على: «ياريت نشوف نفس الخطوات والدعم لما الأهلي يكون بيلعب في النهائي».
