فتح إبراهيم المنيسي مقدم برنامج «ملك وكتابة» النار على بعض نجوم فريق كرة القدم الأول بالنادي الأهلي السابقين، على خليفة أزمة مباراة القمة الأخيرة أمام الزمالك.
وقال المنيسي في تصريحات عبر شاشة «الأهلي»: «في توجيه إعلامي في الفترة الحالية وللأسف بيقع فيه بعض أولاد الأهلي، يعني مدحت شلبي يسأل سؤال لو بيراميدز مراحش مباراة سيراميكا إيه هيحصل؟ فا لاعبي الأهلي السابقين يقولوا بكل ثقة هيتخصم منه 6 نقط، ولما يتسألوا طب ليه الأهلي ماتخصمش منه 6 نقط يقولوا لأده الأهلي! وكأنهم بيصوروا النادي على إنه بيتجامل».
وتابع: «انتوا كدة بتجاملوا بيراميدز على حساب الأهلي وبتضغطوا على الأهلي، طيب على أي أساس بنقول كدة؟»، مشيرا: «ياريت لما يتعلق الأمر باللوايح بلاش التطوع وإبداء الرأي لدرجة يتقال أهو نجوم الأهلي بيعترفوا وبتستخدموا بهذا الشكل الخبيث».
