تحدث عبدالواحد السيد، مدير الكرة السابق بنادي الزمالك، عن كواليس شكوى لاعبي الفريق الأول بسبب أحمد سيد زيزو، والذي لم يتوصل لاتفاق مع النادي بشأن التجديد، وسط تقارير قرب انتقاله إلى الأهلي.
وقال عبدالواحد السيد في تصريحات عبر قناة «إم بي سي مصر 1»: «زيزو؟ الوحيد كان بياخد فلوسه بانتظام بس مش من جوه النادي».
وأضاف: «كان في حد هو بيحب فلان وبيقول أنا متكفل بيه، هو طبعًا ممدوح عباس، راجل محترم كان متكفل بموضوع زيزو ومستحقاته شهريًا والتحويل كان بيروحله بشكل مختلف، ومكنتش بحطه في قائمة اللاعيبة».
وأكمل: «اللاعيبة كانت تقولي طيب وأنا يا كابتن كنت أقوله هاتلي حد بيحبك وأنا معنديش مشكلة. ممدوح عباس كان بيبعت فلوس لـ زيزو من بره عشان هو لاعب بيحبه».
وتابع: «واحنا في النادي بالنسبة لنا بنشيل عبء مادي من علينا.. واللي كان بياخده زيزو غير اللاعيبة وكان بياخد ترضيات من بره، مفيش لاعب وصل للي وصله».
