أعادت تصريحات هاني سعيد المدير الرياضي لنادي بيراميدز، حول تأجيل بعض لقاءات المسابقات المصرية، للأذهان تصريحاته القديمة، حول نفس الشأن.
وقال هاني سعيد، في تصريحات عبر قناة «أون سبورتس»: «احنا لسة عندنا ماتش مع سيراميكا كليوباترا، بعد ثلاثة أيام والكلام ده مبيحصلش مع أي حد. الكلام ده مبيحصلش غير معانا احنا لو الأهلي أو الزمالك اللي بيلعبوا، كان سيتم تأجيل المباراة».
وتابع: «المسؤولون عندنا في مصر بيقدروا على ناس معينة بس».
طالع التفاصيل: «مبيحصلش مع الأهلي».. هاني سعيد ينفجر غضبًا ضد مذيع «أون سبورتس» ويغلق الهاتف في وجهه
وفي لقاء سابق أذيع عبر شاشة «أون سبورت» خلال إقامة فعاليات السوبر المصري للأندية الأبطال في الإمارات، بشهر أكتوبر الماضي، تحدث السعيد عن أهيمة التزام جميع الأندية بجدول لجميع البطولات، دون التأجيل لأي سبب كان.
وقال سعيد: «موضوع أي نادي كسب ده بيمثل نفسه أو بيمثل الدولة ده موضوع نتكلم فيه ومش دي الفكرة أو القضية، القضية في الآخر انك فعلًا لازم تحط جدول والناس كلها تمشي عليه، موضوع بقى الأندية بتمثل مين ده موضوع تاني سواء اتفقنا أو اختلفنا».
وتابع: «ريال مدريد سواء بيمثل نفسه أو بيمثل إسبانيا هو بيلعب زي باقي الأندية التانية بنفس المواعيد ونفس كل حاجة، فا انت هتلتزم باللي موجود، بعد كدة بقى طلعت بتمثل نفسك أو بتمثل بلدك لكن الأساس هو النظام والناس كلها تبقى ماشية عليه».
