عبر حسني عبدربه نجم كرة القدم المصرية السابق، عن استيائه من عدم احتساب ركلة جزاء لصالح الإسماعيلي أمام الزمالك، في الدوري المصري.
وشهدت مباراة الزمالك والإسماعيلي في الدقيقة 90+6، مطالبة لاعبو «الدراويش» باحتساب ركلة جزاء لصالح الفريق، بعدما سدد نبيل عماد دونجا لاعب الزمالك، كرة اصطدمت بيده، داخل منطقة جزاء فريقه.
وقال حسني عبدربه خلال تواجده ضيفا في الاستديو التحليلي الخاص بـ«أون تايم سبورتس»: «أنا مشفق على الإسماعيلي وكتر خير كابتن حمد إبراهيم لأنه بيعمل اللي عليه مع مستوى مش هو ده مستوى الإسماعيلي».
وتابع: «بالنسبة لكرة الجزاء، في ماتش الإسماعيلي اللي فات مع طلائع الجيش، اتحسبت ضربة جزاء علينا بسبب إن الكورة لمست إيد محمد حسن وكانت إيده على الأرض، والناس قالت القانون بيقول إنها تتحسب».
وزاد: «النهاردة دونجا بردو إيده كانت على أرض والناس دلوقتي بتقول القانون بيقول ما تتحسبش، فا ما ينفعش أغير في القانون بين حالة والتانية».
