فجر إبراهيم المنيسي، رئيس تحرير مجلة الأهلي، مفاجأة، بشأن أزمة بيراميدز، في ظل رفض تأجيل مباراة الفريق أمام سيراميكا كليوباترا، رغم كونها تتوسط مباراتي الذهاب والإياب بنهائي دوري أبطال أفريقيا.
وقال المنيسي في عبر برنامج «الكورة مع فايق»: «بيراميدز اتعرض عليهم التاجيل من اتحاد الكرة ورفضوا».
وأضاف: «بيراميدز تواصلوا مع مسؤولين في اتحاد الكرة عشان يأجلوا مباراة كأس مصر فاتعرض عليهم إنهم يخلوا الكأس في ميعاده ويأجلوا ماتش سيراميكا، لكن هما اختاروا تأجيل لقاء الكأس».
وأكمل: «الماتش داخل في الاجندة الدولية ومن حق المحترفين إن منتخباتهم تاخدهمإالا لو انت تقدر تكلمهم، فالحسبة كانت إنها تكون بالاتفاق».
وتابع: «بداية الأجندة الدولية 2-6، فمفيش حد هيقدر يلعب دوري في الأجندة الدولية فهما فضلوا ياخدوا أسبوع كامل قبل ما يسافر لمواجهة صن داونز، ويكون آخر ماتش يلعبوه قبها بتروجت».
وزاد: «بيراميدز فضل يأجل نهائي الكأس عشان ياخد راحة ووقت كويس، وكان وقتها إن الحسبة إن ماتش سيراميكا مكانش هيبقى مؤثر في الدوري، قبل ما الأهلي يرجع، ده اعتقادي، فحب يريح نفسه قبل صن داونز»
وتابع: «أنا عارف هما كلموا مين، ورد عليهم وقتها قالوا أجلوا أفضل ماتش سيراميكا اللي ما بين ماتشين نهائي أفريقيا لأن الاتحاد كان أفضله كدة كمان».
