كشف عصام الحضري، حارس مرمى الأهلي ومنتخب مصر السابق، مفاجآت بشأن تراجع مستوى محمد الشناوي، حارس مرمى الفريق الأول لكرة القدم بالنادي الأهلي.
وقال عصام الحضري، في تصريحات تلفزيونية عبر فضائية «أون تايم سبورتس»: «أنا قريب جدًا من محمد الشناوي، وأتواصل معه بصفة مستمرة، وأنا مش راضي عن مستواه، وأنا بتفرج على مباراة بتروجت، مش ده الشناوي، اللي تبقى مطمن بوجوده».
وأضاف: «هدف بتروجت، يعرفك أن الشناوي، دماغه مشغولة بحاجة تانية، الشناوي، لو مركز كان هيطلع يمسك الكورة».
وتابع: «الشناوي، لما الكاميرا بتيجي على وشه، مش هو ده الشناوي، اللي احنا عارفينه، ممكن يكون حاسس أن في ناس جوه النادي متحاملين عليه، موضوع تجديد لم يتم حسمه حتى الأن».
وأتم: «مستوى الشناوي، مش عاجبني، وتراجع مستواه ممكن يكون بسبب إنشغاله ببعض الأمور».
