رد مجدي عبدالغني نجم الأهلي وعضو مجلس إدارة اتحاد الكرة الأسبق، على أزمته مع محمود عبدالمنعم «كهربا»، لاعب النادي الأهلي والمعار حاليًا إلى الاتحاد الليبي.
وقال مجدي عبدالغني في تصريحات عبر قناة «إم بي سي مصر2»: «كهربا كونه إنه يتعاقب من الاتحاد الدولي يبقى مدان، ومش أنا اللي خليته يمضي على العقد وإنه يجي اتحاد الكرة، وهو اللي مضى على عقد التجديد للزمالك».
وأضاف: «أنا بشفق عليه لأن إحنا جيل اتعلم ولعب كرة في نفس الوقت، فأصبح مداركه مختلفة تمامًا، عن دلوقتي إنك تلعب كرة بصرف النظر عن إنك تتعلم وتروح مدرسة ومتعرفش تتكلم أي لغة ومعشتش بره».
وأتم: «كهربا غلبان وأرد على مين، ده ربنا يهديله دماغه، ده راح ليبيا ماتش واحد قلب الدنيا وخلى الجمهور يضرب نار».
وكان كهربا وجه في تصريحات تليفزيونية في وقت سابق عبر قناة «إم بي سي مصر2» رسالة نارية لمجدي عبدالغني، قائلا: «حسبي الله ونعم الوكيل فيك مليون مرة، وربنا هيجيبلي حقي منه قدام عنيا، وأشوف انتقام ربنا منك».
وأضاف: «ظلمني أوي لما وثق العقود اللي كانت أصلا من فترة كبيرة جدا، ولونه كان غير اللون أصلا».
