شن إبراهيم سعيد نجم الكرة المصرية السابق، هجومًا ناريًا على الفنان أحمد حلمي بعد مقطع الفيديو الذي جمع بين «حلمي» وزوج المطربة كارمن سليمان، مصطفى جاد، والذي أثار الجدل على مواقع التواصل الاجتماعي خلال الساعات الماضية.
وكان أظهر الفيديو أحمد حلمي خلال عرض مسرحية في «موسم الرياض»، وهو ينكر معرفته بـ مصطفى جاد؛ ساخرًا منه قائلًا: «انت مين؟»، ليجيبه الأخير بأنه «مصري»، فيرد «حلمي» قائلًا: «مصري وقاعد صف أول أكيد معزوم»، وهذا ما وضعه في مرمى الانتقادات.
وقال إبراهيم سعيد عبر برنامجه على شاشة «النهار»: «فيديو أحمد حلمي انتشر بشكل مستفز، وأنا استفزيت لأني مصري واتشرف، والفيديو ده إهانة لكل المصريين، وأنا لا أقبل الإهانة لـ بلدي وأهلي».
وأضاف: «ينفع دي طريقة وأسلوب لممثل يتكلم مع مواطن مصري بالطريقة دي، يعني عشان هو مصري مينفعش يقعد صف أول؟، طول عمرنا احنا صف أول وفي الفن من قديم الأذل والفن بتاعنا اللي بيوصل الرسالة للعالم كله».
وأردف إبراهيم سعيد: «مينفعش عشان أنا اتنسيت وبقالي 14 سنة مبطل أكلم الناس كده، وأقل من أهل بلدي ومن الناس اللي عملت اسمي، وخليتك تظهر في أماكن عمرك ما كنت تتخيلها».
وواصل: «المصري طول عمره عنده كرامة، ولو معاه أخر جنيه في جيبه ممكن يصرفه عشان يبتسم، وانت يا حلمي مبطل من 14 سنة ومش فاكرلك أخر عمل أنت عملته أيه».
وأتم إبراهيم سعيد تصريحاته قائلًا: «اللي ملوش خير في بلده والناس اللي عملته، مش هيبقى ليه خير في بلد تانية، عشان بعد متاخد مصلحتك من البلد التانية هتعمل أكتر من كده».
