وجه الإعلامي أحمد موسي، رسالة قوية لبعض الأندية المصرية، بخصوص تدخلها في الأمور المتعلقة بالنادي الأهلي، موجهًا طلبًا لهم بالتركيز مع أنفسهم.
وقال الإعلامي أحمد موسي في تصريحات تليفزيونية عبر برنامجه «على مسؤوليتي» المذاع عبر شاشة صدى البلد:«هل عمركم شوفتوا الكابتن محمود الخطيب بيتكلم عن الأندية أو بيتكلم عن حد، أو عضو من المجلس، لأ، لأنه هو دا الكابتن الخطيب والمجلس عمرهم ما بيعملوا الأفعال دي».
وتابع:«النادي الأهلي مركز بس في اللي بيعمله وفي البطولات بتاعته، والفرق بتاعته في ألعاب الصالات اللي حقق فيها الموسم دا السداسية».
وأضاف:«بعض الناس بقا أنا بقولهم كل واحد يركز مع الأندية بتاعته، هاتوا أحسن لاعيبة من كل حتة في العالم، دا شيء هيبسطنا ومش هنبقي زعلانين، أحنا عايزين كل الأندية تجيب لاعيبة مميزة، شوفوا متاح كام أجانب وهاتوا».
وأكمل:«أنا بقول على الهواء أهو أي لاعب في العالم يتمني يلعب في النادي الأهلي، لأن النادي عنده اسم وعنده رعاية وعنده فلوس وسمعة كويسة، لذلك ارجوكم لو سمحتوا كل واحد يركز مع النادي الخاص بيه، وسيبوا النادي الأهلي في حاله».
واختتم:«الخطيب عمره ما اتكلم على أي نادي وعمره ما قال النادي دا جاب الفلوس منين، والنادي الفلاني أخد البطولة دي ليه، هو بيحب يبقي دايما الأول، أعمل زيه، متحاولوش تعطلوه بقا، اسم النادي الأهلي لوحده كفاية، وجماهيره في مصر وفي العالم كاه كبيرة، ناس مسافرة ورايحة أمريكا عشان تشجعه».
