وجه محمد فضل نجم النادي الأهلي السابق، رسالة لـ مجلس إدارة القلعة الحمراء، بشأن علي معلول نجم الفريق.
وقال محمد فضل في تصريحات عبر «أون سبورت إف إم»: «علي معلول ظهير أيسر في كل حاجة كويس، أخلاقيًا وفنيًا ولعيب كورة على مستوى عالي، أكتر واحد بيعمل اسيستات لزمايله، عمرك ما شوفتله مشكلة، ساعد النادي الأهلي في الحصول على الكثير من البطولات».
وأضاف: «علي معلول مع كولر مكنش متشاف، وتحس امبارح بعد المباراة وبكاءه إنه في وداع، وعلى الرغم من لعبه لوقت صغير إلا أنه عملت اسيست جامد».
وتابع: «اعتقد دي آخر سنة لـ معلول في الأهلي، واحنا بنفتقد الكوادر في مصر وانا بعتبر علي معلول مصري، وهو من أساطير النادي الأهلي، إية المشكلة إنك تجهزه ككادر وتعده ليكون مدير كرة مستقبلًا في الأهلي».
وأكمل: «كلنا عارفين إن عقد معلول كبير جدًا، فممكن نعدل عقده لـ يكون إداري، واتمنى إن أفضل شايف علي معلول باقي مع الأهلي، هتبقى صورة حلوة جدًا».
