علق مجدي عبدالغني، نجم الأهلي السابق، بشأن الصلح مع محمود عبدالمنعم كهربا، لاعب الأحمر السابق، على خلفية أزمة انتقاله للقلعة الحمراء بعد الرحيل عن صفوف الزمالك.
وقال مجدي عبدالغني عبر «بودكاست» مع عمر ربيع ياسين: «حد يجبنا نقعد مع بعض؟ يجبنا ليه؟! أنا مليش دعوة بأزمته، هو غير صادق وأنا صادق لما بيقول، هو يقول زي ما هو عايز يقول».
وأضاف: «ده كان بيقولي إنت أبويا وعمي، وقال في التليفون أروح الأهلي ولا الزمالك، قولتله تروح الأهلي أفضل وإدتله نصيحة لقيته ماضي في الزمالك وواخد فلوس، قولتله متعاديش الزمالك، خلاص، قضي وقتك في الزمالك وبعدها يحلها الحلال».
وأكمل: «تفاجئت إنه موقع عقده مع الزمالك، بدليل إن الاتحاد الدولي غرمه فلوس، ولو هو مظلوم الاتحاد الدولي هيغرمه وهو يقولك ده مش توقيعي، أنا مش خبير خطوط عشان أقول ده ممضي صح ولا لا».
وزاد: «لو أنا ظلمته يبقى حسبه ربنا ونعم الوكيل، ولو هو بيفتري عليا يبقى حسبي الله ونعم الوكيل فيه». وبشأن احتمالية الصلح بينهما، قال عبدالغني: «احنا مش أصحاب ده أصغر من ابني، ولا عايزين نجمع ولا نفرق».
وتابع: «كان عنده مشاكل حاولت أحلها له، لكن للأسف أي إنسان بيبقى جاهل مش بيعرف يحل مشاكله فبيحلها بطرق غلط».
