تحدث إمام عاشور لاعب الفريق الأول لكرة القدم بالنادي الأهلي، عن علاقة محمود الخطيب رئيس النادي باللاعبين.
وقال إمام عاشور في تصريحات مع الإعلامي إبراهيم فايق: «الراجل دا نضيف أوى، كلامه مع اللاعيبة دايما إنه عايزهم يدوا للنادي الأهلي بنسبة 100% ودا الصح».
وتابع: «الراجل دا في ضهرنا دايما، اتكلم معايا تلات مرات ونفسي يتكلم معايا على طول، أول مرة بيني وبينه كانت في الموبايل بقول ألو قالي أنا كابتن محمود، مبروك وبإذن الله تبقي قد التحدى ولينا مقابلة مع بعض».
وأضاف: «روحت النادي وأول كلمة قالهالي أوعى تعادي جمهور الزمالك، كنا في معسكر النمسا، وقالي ركز في شغلك ومع تمرينك وماتشاتك ومستنين منك كتير».
وأكمل:«أتكلم معايا برضه في ماتش صن داونز، قالي عايزاك يبقي ليك دور في كل ماتش، وقالي متحطش ماتش الذهاب في دماغك ودايما خلي في حلم قدامك».
