أكد إمام عاشور، نجم النادي الأهلي، أن أحمد مصطفى «زيزو»، نجم الزمالك، سيكون إضافة قوية جدًا للفريق الأحمر حال انتقاله في المستقبل، مشيراً إلى أن زيزو يمتلك الإمكانيات والعقلية التي تؤهله للتألق في أي نادٍ.
وقال إمام في تصريحات عبر قناة MBC مصر 2: «زيزو لاعب كبير، وهيفرق جداً مع الأهلي لو انضم.. يمكن هو دلوقتي بيمر بفترة صعبة شوية، بس دي ظروف أنا نفسي مريت بيها قبل كده، وهو عنده عقلية كبيرة وقدراته هتساعده يتخطى المرحلة دي».
وبشأن الحديث عن تعديل عقده مع الأهلي في ظل رغبته فيالحصول على أموال زيادة بعد وصول اللاعبين الجدد، أجاب؟: «لا طبعا مفيش أي حاجة من الكلام ده، وكل اللاعبين اللي جاييين إضافة لينا في النادي».
وتابع: «أنا عمري ما أعمل الكلام ده، وكمان الكلام ده اصلا مبيحصلش نهائي في الأهلي».
وواصل: «وأنا مش هتكلم في حتة تعديل عقدي غير لما الأهلي يتكلموا، معايا عشان الإدارة بتتعامل معايا باحترام كبير، فأنا تحت أمر الأهلي في أي حاجة».
وعن علاقته الشخصية بزيزو، أوضح عاشور: «هو أخويا الكبير، ولسه مباركلي امبارح على الفوز بالدوري.. العلاقة بينا زي الفل ومفيش أي مشكلة».
