رد محمد سراج الدين عضو مجلس إدارة النادي الأهلي، على السؤال الشائع مؤخرًا بشأن «الأهلي بيجيب فلوسه منين».
وقال عضو مجلس الأهلي في تصريح تليفزيوني عبر شاشة قناة «أون سبورت»: «مصادر الفلوس أو الموارد للنادي الأهلي معروفة، وبتنزل في الميزانية كل سنة وبتبقى واضحة».
وأضاف: «آخر ميزانية للكورة الحمدلله كانت كسبانة، الإيرادات اللي داخل للنادي الأهلي من الكورة مليار و175 مليون جنيه، متمثلة ما بين رعاية حوالي 45 مليون، وبين البيع وإعارات اللعيبة حوالي 300 مليون».
وتابع: «مكافآت من الاتحاد الدولي والإفريقي بردو حوالي 300 مليون، فانت عندك موارد مختلفة وحقوق تجارية، وعقود كلها رسمية».
وأكمل: «مشاركتنا المنتظرة في كأس العالم للأندية هناخد تقريبًا 9 مليون دولار دي لسه هتخش النادي الأهلي، والعضويات كمان احنا عندنا 4 فروع بتوفر حوالي 3 مليار جنيه وشوية».
